मराठी सुलभभारती Class 8
- प्रियंका चंद्रात्रे
👉 खालील प्रश्नांची एका शब्दात किंवा एका वाक्यात उत्तरे लिहा .
१) ईशानला कसला कंटाळा आला होता ?
उ - व्हिडिओ गेम खेळण्याचा कंटाळा आला होता.
२) सुट्टी घालवण्याचा पर्याय सापडत नसताना ईशानला दिलासा मिळणारी कोणती घटना घडली?
उ - गिर्यारोहण संस्थेकडून ईशानच्या कॉम्प्युटर वर एक ई -मेल आला.
३) ईशानला कसला छंद होता ?
उ - ईशानला गिर्यारोहणाचा छंद होता .
४) गिर्यारोहण म्हणजे काय ?
उ - गिर्यारोहण म्हणजे ' पर्वत चढणे ' होय.
५) ईशानने गिर्यारोहण संस्थेचा निमंत्रणाचा संदेशाची माहिती कोणाला दिली?
उ - ईशानने आपले मित्र धैर्य, प्रशांत, अमन आणि सक्षम यांना दिली.
६) ईशान व त्याचे मित्र ऋषिकेशहून उत्तर काशीला कशाने पोहोचले ?
उ - ईशान व त्याचे मित्र ऋषिकेशहून उत्तर काशीला टॅक्सीने पोहोचले.
७) ईशान व त्याच्या साथीदारांनी कशाच्या साहाय्याने गंगोत्रीला जाण्याचा निश्चय केला?
उ - ईशान व त्याच्या साथीदारांनी माऊंटेनिअरिंगच्या साहाय्याने गंगोत्रीला जाण्याचा निश्चय केला.
८) लोक स्पुंदून स्पुंदून का रडत होती?
उ - तांडवात आपल्या आप्तेष्टांना गमावल्यामुळे लोक स्पुंदून स्पुंदून रडत होती.
९) भुकेने व्याकूळ झालेल्या मुलाने वडिलांकडे कशाची मागणी केली?
उ - भुकेने व्याकूळ झालेल्या मुलाने वडिलांकडे बिस्किटांची मागणी केली.
Solve More : शब्दांच्या जाती
१०) दुकानदाराने बिस्किटांचा पुडा आणि पाण्याच्या बाटलीची काय किंमत सांगितली?
उ - दुकानदाराने बिस्किटांचा पुडा शंभर रुपये आणि पाण्याच्या बाटलीची दोनशे रुपये किंमत सांगितली.
११) घरमालकाने खोलीचे भाडे किती सांगितले?
उ - घरमालकाने खोलीचे भाडे पंधरा हजार रुपये सांगितले.
Solve More : Upasarg | Upasarg Worksheet |
१२) ईशान व त्याच्या साथीदारांना रात्र कोठे काढावी लागली?
उ - ईशान व त्याच्या साथीदारांना रात्र पहाडावर नायलॉनच्या तंबूत काढावी लागली.
१३) मुलांना वीरपदक मिळावे म्हणून हवाईदलाच्या अधिकाऱ्यांनी कोणाकडे शिफारस केली?
उ - मुलांना वीरपदक मिळावे म्हणून हवाईदलाच्या अधिकाऱ्यांनी राष्ट्रपतींकडे शिफारस केली.
१४) " झुळूक" या कवितेत कवीला काय व्हावेसे वाटते?
उ - कवीला एखादी मंद झुळूक व्हावी असे वाटते.
१५) कळीला कसे बोट लावावे असे कवीला वाटते?
उ - कळीला हळुवारपणे बोट लावावे असे कवीला वाटते.
१६) दिशा दिशांतून कवी काय उधळून देतो?
उ - दिशा दिशांतून कवी फुलांचा सुगंध उधळून देतो.
१७) कवीने शेताला कशाची उपमा दिली आहे?
उ - कवीने शेताला पाचूची उपमा दिली आहे.
१८) झुळूक कोणाच्या मुखावर टवटवी आणणार आहे?
उ - झुळूक दिवसभर जो राबून दमला असेल, त्याच्या मुखावर टवटवी आणणार आहे.
१९) झुळूक विसावा केव्हा घेईल ?
उ - झुळूक तिन्हीसांजेला विसावा घेईल.
Solve More : Science Practice Test for class 7
२०) इस्पितळ कोणत्या भागात आहे?
उ - इस्पितळ मुंबईच्या परळ भागात आहे.
२१) इस्पितळ कोणाचे आहे ?
उ - इस्पितळ जनवारांचं आहे.
२२) तसबिरीत कोणत्या जनावरांची चित्रे होती?
उ - तसबिरीत बैल, घोडा, कुत्रा, मंजर, शेळी यांची चित्रे होती.
२३) चित्राच्या खाली काय लिहिलेले होते?
उ - " आम्हांला तुमची गरज आहे; तुम्हांला आम्ही हवे आहोत का?" असे लिहिले होते.
2४) लिखिकेला इस्पितळ कोणी दाखविले ?
उ - लिखिकेला इस्पितळ भरत नावाच्या चुणचुणीत मुलाने दाखविले.
2५) लिखिकेने सर्वप्रथम कोणता विभाग बघितला ?
उ - लिखिकेने सर्वप्रथम मांजरांचा विभाग बघितला.
२६) प्रत्येक मांजरांजवळ काय ठेवल्या होत्या? का?
उ - प्रत्येक मांजरांजवळ दोन बशा ठेवल्या होत्या. एक खाद्यपदार्थासाठी व दुसरी पाण्याची.
२७) मांजरं समाधानाची पावती कशी देतात ?
उ - मांजरं समाधानाची पावती पोटातून ' गुर्रगुर्र ' आवाज काढून देतात.
२८) पाठातील मांजरांची नावे लिहा.
उ - 'जॅक जाधव', ' बकुल गोखले' , 'सॅमी डिकुन्हा ', आणि 'रोमल टिपणीस ' .
२९) लेखिकेच्या अंगावर कोण झेप घेऊ बघतो?
उ - लेखिकेच्या अंगावर झेन्या झेप घेऊ बघतो.
३०) जन्मापासून आंधळी कोण आहे?
उ - जन्मापासून आंधळी मांजर आहे.
३१) ' जीवन गाणे' या कवितेत कवीला जीवन जगण्याचे कोणी - कोणी शिकवले ?
उ - चंद्र, चांदणे, पणती, नदी , पक्षी, सागर आणि वृक्ष यांनी शिकवले.
३२) भरकटलेल्या जगात कसली जाण नाही?
उ - भरकटलेल्या जगात सुसंस्कारांची जाण नाही.
३३) पणत्या कोठे आहेत?
उ - पणत्या तुळशीवर आहेत.
३४) स्वैर होऊन नदी का पळते ?
उ - सागराला भेटण्यासाठी नदी स्वैर होऊन पळते.
३५) दुसऱ्यांसाठी घाव कोण सोसतात ?
उ - दुसऱ्यांसाठी घाव वृक्ष सोसतात.
३६) शब्द कोणास म्हणतात?
उ - ज्या एका अक्षराने किंवा अक्षरसमूहाने एखादी वस्तु, विचार, कल्पना, भाव, गुण किंवा क्रिया इत्यादींचा अर्थ व्यक्त केला जातो, त्या अक्षरास किंवा अक्षरसमूहास 'शब्द' असे म्हणतात.
३७) 'शब्दसंग्रह' म्हणजे काय?
उ - एखाद्या भाषेचा विशिष्ट क्षेत्रातील मर्यादित शब्दांच्या संग्रहाला 'शब्दसंग्रह' असे म्हणतात.
३८) ' शब्दकोश' म्हणजे काय?
उ - एखाद्या भाषेतील सर्व शब्दांचा संग्रह, विशिष्ट रचनापद्धतीचा अवलंब करून दिल असल्यास त्याला ' शब्दकोश' असे म्हणतात.
३९) ' अकारविल्हे ' म्हणजे काय?
उ - शब्दकोशात 'अ ' या अक्षरापासून लावलेला क्रम होय.
४०) संत सेना महाराजांनी आजचा दिवस सोन्यासारखा झाला आहे असे का म्हटले आहे?
उ - संतांच्या दर्शनाने आजचा दिवस सोन्यासारखा झाला आहे असे का म्हटले आहे.
४१) संत सेना महाराजांना संतांना पाहून कोणासारखा आनंद होतो?
उ - सासरी गेलेल्या मुलीला माहेरी जसा आनंद होतो, तसा संत सेना महाराजांना संतांना पाहून आनंद होतो.
४२) संत सेना महाराजांचा शीण कशामुळे गेला?
उ - संत सेना महाराजांचा शीण संतांचे चरण पाहून गेला.
४३) संत सेना महाराजांच्या मते दिवाळी दसरा केव्हा असतो?
उ - संत सेना महाराजांच्या मते दिवाळी दसरा संत घरी आल्यावर असतो.
४४) संत चोखामेळा यांच्या अभंगात कोणत्या झाडांचा उल्लेख केला आहे?
उ - संत चोखामेळा यांच्या अभंगात बोरी, बाभळी आणि चंदन या झाडांचा उल्लेख केला आहे.
४५) संत चोखामेळा यांनी संतांना कोणाची उपमा दिली आहे?
उ - संत चोखामेळा यांनी संतांना चंदनाची उपमा दिली आहे.
४६) संत चोखामेळा कोणाच्या सहवासात परमार्थ साधण्यास सांगत आहे?
उ - संत चोखामेळा संतांच्या सहवासात परमार्थ साधण्यास सांगत आहे.
No comments:
Post a Comment